ناصر مرقاتي : شعرلر

ناصر مرقاتی 

تالانمیش گونش،   

اندیشه نو ، 1377   

 گئدک

 دئدیک :

           یئلکن لره اسن بیر اَسیم

           سؤنموش اوجاغ لارا بیر قیغیلجیم

          سوسموش دوداغ لارا ایپک تبسم

          یانقی چیچک لره بیر ایچیم سو

                                          اولاق

بیز قوزای یئل لری آردیندا دوران

خوشبخت لر دیاری سوراغیندایدیق

آه سیزلر ائی طوفان معجزه لی

اژدها سئحیرلی ائلچی لرین حق منادیسی

آردي وار/ardı var >>>

يازار هـ.شهبازی پنجشنبه 1387/10/19 ساعت 2:29 /لینک/(نقل با قيد منبع وبلاگ آزاد است)

 نیگار خیاوی

    غزه

جناب نوبئل باریش موکافاتی !

بوگون  ناهارا غزه ­نین جنازه ­لرینی سئیر ائده-ائده  باسدیرما  پیلوو یئدیک

بیر گؤزوموز تئلویزیونا باخدی

بیر گؤزوموز قاشیغیمیزین اَتینی عیارلادی

سونرا مدنی فیقورایلا باشیمیزی توولادیق انسانجاسینا

آردي وار/ardı var >>>

يازار هـ.شهبازی سه شنبه 1387/10/17 ساعت 2:18 /لینک/(نقل با قيد منبع وبلاگ آزاد است)

 خورخه لوئيس بورخئس : "ديسک"

چئويره ني: آيدين خان

  من مئشه قيرانام. آديمي بيلمه سه نيز ده اولار. ايچينده دونيايا گؤز آچديغيم و يقين کي، ائله اوراداجا حياتدان اوزاقلاشاجاغيم تاختا داخما مئشه نين لاپ کناريندا يئرلشير.  

  سؤيله ييرلر کي، بو مئشه دونياني احاطه ائدن و منيمکينه اوخشار تاختا کومالارين قارشيسيني کسن دنيزه قدر اوزانير. فقط من هئچ واخت او دنيزي گؤرمه ميشم، اونون باره سينده ده آيدين تصووروم يوخدور. من هئچ مئشه نين عکس طرفيني ده گؤرمه ميشم.  

آردي وار/ardı var >>>

يازار هـ.شهبازی سه شنبه 1387/10/17 ساعت 2:11 /لینک/(نقل با قيد منبع وبلاگ آزاد است)

مارتين هايدگئر:  گونده ليک انسان و "اونلار" ساحه سي

آذربايجان تورکجه سينه اويغونلاشديرما  و

آچيقلاما :  همت شهبازي

  مارتين هايدگئر (1889-1976) – اگزيستانسياليزمين آلمان فلسفه سينده کي  تمثيلچيسي. ان اؤنملي اثري اولان "وارليق و زامان" دا (Sein und Zeit) وارليغين آنلامي پروبلئميني قوياراق، اگزيستانسيال آنتولوگيياني اينکيشاف ائتديرميشدير.  

  اينسانين باشقا اينسانلار ايله، باشقا اينسانلار اوچون و باشقا اينسانلارا قارشي سوردوردويو گونده ليک ياشام فعاليتينده، سورکلي اولاراق باشقالاريندان فرقلي اولما قايغيسي ياتار. بو، باشقالاريندان فرقي قاپاتما، باشقالاريندان گئريديرسه، همين گئريلييي يوخ ائتمه و يا باشقالاردان اوستوندورسه، اونلاري آلتدا توتما قايغيسي دير. باشقالارلا اؤزونون ...

آردي وار/ardı var >>>

يازار هـ.شهبازی یکشنبه 1387/10/15 ساعت 1:54 /لینک/(نقل با قيد منبع وبلاگ آزاد است)

 شعر: توتقون

شیرین شیرین دانیشیردی آنام

یان یؤره سینه توپلامیش اوشاقلارینی

نه گؤزه ل ده قورتاریردی ناغیللارین سونلاری

"گؤیدن اوچ آلما دوشدو

بیری منیم

بیری سنین

بیری ده ناغیل دییه نین"

او چاغدان

آردي وار/ardı var >>>

يازار هـ.شهبازی یکشنبه 1387/10/15 ساعت 1:48 /لینک/(نقل با قيد منبع وبلاگ آزاد است)

فرئدريك نيچه : زردوشت بئله دئدي

(هامي نين و هئچ کيمين کيتابي)

چئويره ني:  آيبنيز عباسووا

بيرينجي بؤلمه 

اوتوز ياشين تاماميندا زردوشت وطنيني و وطنين گؤلونو ترک ائديب داغلارا چکيلدي. دوز اون ايل روحو و تنهاليغيندان حظ آليب بوندان اوسانمادي. آخير کي، قلبينده دؤنوش اولدو - بير صاباح شفقله بيرگه اوياندي، اوزونو گونشه توتوب بئله دئدي: 

   "اولو اولدوز! اگر ايشيقلانديرديغين کسلر اولماسايدي، سنين خوشبخت ليين نه يه دؤنردي؟! دوز اون ايل سراسر منيم ماغارامين اوزرينه قالخدين: من اولماسايديم، منيم قارتاليم، ايلانيم اولماسايدي، سن ايشيغيندان دويار، تنگه گه لر و بو يول سني بئزديرردي. ...

آردي وار/ardı var >>>

يازار هـ.شهبازی پنجشنبه 1387/10/12 ساعت 15:31 /لینک/(نقل با قيد منبع وبلاگ آزاد است)

ائلمين حسنلي : شعرلر 

م. اوچون بيرينجي شعر 

 آراداکي  5 ياش فرقي ناراحات ائدير سني 

  هـ م م م…بيليرم 

  بيليرم دونيادا فرقي اولان او قدر شئي وار کي… 

  ياش نه دير کي اونلارين يانيندا؟ 

  بيليرسن، ميلئنا 

آردي وار/ardı var >>>

يازار هـ.شهبازی سه شنبه 1387/10/10 ساعت 0:43 /لینک/(نقل با قيد منبع وبلاگ آزاد است)

       آقشين: 

      " شرقلي نين اؤلومو " 

بيزيمله بير گونده دوغولان جانليلار 

  بو گون حياتدا يوخدولار 

  چوخدان اؤلوب ياشيديميز کؤپکلر، 

  تاي-توشوموز آتلار…حشراتلار 

  بيز 

  هله ده آياق قابيلاريميزين تزه ليي ايله 

آردي وار/ardı var >>>

يازار هـ.شهبازی سه شنبه 1387/10/10 ساعت 0:41 /لینک/(نقل با قيد منبع وبلاگ آزاد است)

ادبياتيميزي دوشونه رك – 6

و شعر یاغیش‌دی یاغسا اگر

محمد عابدين پور

حؤرمتلی همت بی «ادبیاتیمیزی دوشونه‌رک» باشلیغی ایله آپاردیغینیز مباحیثه‌لر ماراقلی و اؤنملی اولاراق ادبیاتیمیزین گلیشمه‌سینده یاردیمجی اولا بیلر. اؤزه للیک له گنجلریمیزه یول گؤستریجی اولاراق اونلاری یئنی دوشونجه‌لر و فلسفه‌لر ایله تانیش ائده بیلر. آنجاق بونو  اونوتمایاق کی یاشادیغیمیز چاغداش دونیا نسبیت، عدم قطعیت و دالبادالا دَییشیلیک حالیندا اولان دونیا دیر.

بیلدیيمیز کیمی بیر سیرا قونولار وار کی اونلار حاققیندا انسان‌لار هئچ واخت و هئچ بیر زامان قطعی بیر نظره یئتيشمه‌یه‌‌رک چئشیدلی-چئشیدلی باخیشلار و یوزوملار اورتایا چیخیبدیر.. اؤرنک اوچون گؤزه‌للیک و هونر او قونولاردان‌دیلار کی اونلارین حاققیندا تاریخ بویو  دارتیشمالار و مباحثه‌لر اولونوب و هله ده اولماقدادیر. بئلنچی بیر قونولارین اؤزللیک لری و  ماراقلی اولدوقلاری ...

آردي وار/ardı var >>>

يازار هـ.شهبازی جمعه 1387/10/06 ساعت 0:12 /لینک/(نقل با قيد منبع وبلاگ آزاد است)

آشيق علعسگرین شعیرلرینده تحکیه

اولكر اوجقار

 1821ـده آذربایجان گؤیجه بؤلگه سینین آغکیلسا[1] کؤیونده آنادان اولان آشيق علعسگر، آذربایجان ادبیاتینین، خصوصیله عاشیق ادبیاتینین ان تانینان و شعیرلری خالق آراسیندا ان چوخ یاییلان شاعیرلردن بیریسیدیر. تیفلیسده روسجا یاییلان «قاوقاز[2]» قزئتی اوندان، اولاغان اوستو سسی، ساز چالما مهارتی و سؤز قوْشما قابليتی اولان بير صنعتكار اولاراق سؤز آچار. سئوگیلیسی «شهین بانو»ـدان زوراکی آیری دوشندن سونرا، عاشيق علعسگر 40 یاشینا قدر ائولنمه ییر. بو شاعیر 1926ـدا آغ کیلسادا توپراغا تاپیْشیریلیر. بیز بو یازیدا تحکیه باخیمیندان عاشیق علسگرین شعرینی آراشدیرماغا چالیشاجاغیق.

آردي وار/ardı var >>>

يازار هـ.شهبازی سه شنبه 1387/10/03 ساعت 23:48 /لینک/(نقل با قيد منبع وبلاگ آزاد است)

گونئل مؤولود : شعرلر 

  بير گؤزلوک… 

  کيشي اوووجلاري نين 

  ايچي ايستي 

  اوستو سويوق 

  عئيبي يوخ - آل اللريمي اوووجلارينا 

  بير آز سندن دانيشيم… 

  بير ده، بير د… يومما گؤزلريني 

آردي وار/ardı var >>>

يازار هـ.شهبازی سه شنبه 1387/10/03 ساعت 23:45 /لینک/(نقل با قيد منبع وبلاگ آزاد است)

               شعرلر :

                               ارسطو مجرد 

قیزینیرام

          سؤنوک بیر اوجاغا ؛

اوشویوره م  قیزیندیقجا

تیتره ک اللریم

     اؤلور  مندن اؤنجه ،

منده بو وارلیغینام

         بیتمیش کؤکوم کؤهول لرده آرتیق

         داش سونگولرین آغزینا  وئرین منی

آردي وار/ardı var >>>

يازار هـ.شهبازی دوشنبه 1387/10/02 ساعت 1:8 /لینک/(نقل با قيد منبع وبلاگ آزاد است)

əziz səlami

XANIMDƏRSİNİN GÖZLƏRİNDƏ

Əpruz bacıya

Hər anla dərinləşən, duru bir su kimidir keçmiş zaman. Biz bu gün, uzaq bir keçmişi düşünərkən, dərin və duru bir suya baxırıq sanki. Balıqları və ayrı-ayrı su canlılarını görə bilirik; ancaq  bir kölgə, bir qaraltı kimi. Balıqların rənglərini, böyüklüyünü ayırd edə bilmək çox çətindir. Bütün  rənglərin  üstünü  bir  uzaqlıq  kölgəsi  örtmüşdür.

Sarımı, qırmızımı, bozmu?! Bəlli deyil....

آردي وار/ardı var >>>

يازار هـ.شهبازی یکشنبه 1387/10/01 ساعت 1:13 /لینک/(نقل با قيد منبع وبلاگ آزاد است)

پست مدرن پاراديگما ^*

جاوانشير يوسيفلي

 فرانسيز آوانقارد صنعتين، فرانسيز نثري نين اوستادلاريندان اولان فيليپ سوللئرس «سايلار» رومانيندا بئله بير پاسساژ {نقل قول} وئرير: «ديسکورسلا (سؤيلم، گفتمان) تاريخ آراسينداکي ضيدديتي نئجه آرادان قالديرمالي؟ ايچينده کي ائنئرژي اثري نيظاملايان تئکست له {متن له}، قيشقيريب-دانيشان ايفاده ايله يوخ، آنجاق هميشه فعال اولان تاريخي رئالليقلا…». بديعي متنله ائله بير «ائنئرژي ساحه سي» ياراتماق لازيمدير کي، سوللئرسين «خيالي، قوراما» آدلانديرديغي رئالليق داغيلسين، سون کرپيجينه کيمي اوچولسون، يوخسا کيمينسه نفَسي، مئلوديياسي، اينتوناسيياسي {لحن} اوزرينده متن يارانماز، شعر يازيلماز، يازيلسا دا، بير مدت خوشوموزا دا گلسه، آخيردا اؤز خوشويلا چيخيب گئدر… 

آردي وار/ardı var >>>

يازار هـ.شهبازی جمعه 1387/09/29 ساعت 0:51 /لینک/(نقل با قيد منبع وبلاگ آزاد است)

"سئوگی  یولو" ادبی تنقید یوخسا  شعرین آنلام اوخونوشو

2-نجی و سونونجو بؤلوم

بوردا شاعر بیر شعورلئ مؤوجود اولاراق قار قار قار سه سیندن حیرته دالماسی چوخ آنورمال دئییل. آما داش و کولون قارغانین سه سیندن (پیام) ائتگی له نیب،حیرته دالماسی داها شاشیردیجی اولا بیلردی و شعرین ایبهاملی اوسطوره وی فضا سینی درینلشدیریب، گئنیشلندیره بیلردی. "آلما یولو" و "جاماکا" و "بلکه داها دییمه دیم" و "شهرین جیریغیندا" و گؤزلرین دوغوم گونون"، "گونش سه سیندیر باتیر"، "الیمده اللی بارماق" و....تورکجه نحویله دئییل فارسجا قورولوشویلا یازیلمیشلار (بعضی استثنالارا باخمایاراق). ...

آردي وار/ardı var >>>

يازار هـ.شهبازی سه شنبه 1387/09/26 ساعت 0:22 /لینک/(نقل با قيد منبع وبلاگ آزاد است)

salam va sayqila hummat bay. bu yazini dushargada yuklamayinizi rica ediram. yarin

"Sevgi yolu"  ədəbi tənqid yoxsa  şerin anlam oxunuşu?          

Viktor hogo "şerqiyat" kitabında tənqid üzərində belə yazır:

"......bir əsər yaxşıdır yoxsa pisdir?.tənqidin alanı (qələmrovu) başdan-başa elə budur. yüksək səviyədə baxılırsa şerdə pis və yaxşı yoxdur. pis və yaxşı olan şairlərdir. bundan başqa hər şey şerin qonusu ola bilər. hər şey hünər üçün maya və matıryal ola bilər. hər qonu şer ölkəsinə girə bilər.beləliklə şairi seçdiyi qonular üzrə sorumlamaq doğru olmaz. şairin hansı qonuda və niyə yazdığı deyil, işi necə yapdığı önəmsənir."

Hoqonun  şerin pis və ya yaxşılığından amacı :şer gözəldir ya deyil? və bu gözəllik (istetika) təməlləri və əyarlari hər əsrin

آردي وار/ardı var >>>

يازار هـ.شهبازی دوشنبه 1387/09/25 ساعت 0:42 /لینک/(نقل با قيد منبع وبلاگ آزاد است)

            گونتای گنجالپ 

ایدئولوژی و فلسفه نین فرقی نه دیر؟

  ندنسه بو "ایدئولوژی" سؤزو اسکی سووئت مکانیندا دوشونجه نین هر ساحه سینه موداخیله ائتمیشدیر؟ اصلینده ایسه ایدئولوژینین دوشونجه ایله درین باغلاری یوخدور. ندن؟ "ایدئولوژی" پسیکولوژی تجروبه لر ییغینیدیر و اینسانی دوشونمکدن داها چوخ دوشونمه مه یه، اؤرنه  یین پولیتیک ائیله ملره (فعالییتلره) سؤوق ائدر. سؤزون ترکیبینده "ایده" سؤزو کئچسه ده "ایدئولوژی" ایدئآلدان محروم اولان تجروبی داورانیشلار باغلامیندا شکیللنمیشدیر. ایلک دفعه  18- جی عصرده Destut De Tracy طرفیندن تلفظ ائدیلن "ایدئولوژی "صیرف ماتئریالیست بیر یؤنتم اولاراق اورتایا چیخمیشدیر، چونکو فلسفی آنلامدا مئتافیزیکدن محروم اولموشدور. "ایدئولوژی"نین قوووتلی اولوشونون سببی موطلق رئاللیغا دایانماسیدیر...

آردي وار/ardı var >>>

يازار هـ.شهبازی دوشنبه 1387/09/25 ساعت 0:39 /لینک/(نقل با قيد منبع وبلاگ آزاد است)

 ائلياد موسوي :  شعرلر

1

 نه بابامین توفنگی

نه منیم شعرلریم

دونیا دَییشیله‌سی دئییلدی

بوشونا یوخو گؤروردوک

کوت دَيیرمان‌لارا سورتوردوک باشیمیزی

یاتیردیق گون اورتایادک

آردي وار/ardı var >>>

يازار هـ.شهبازی شنبه 1387/09/23 ساعت 0:27 /لینک/(نقل با قيد منبع وبلاگ آزاد است)

حميد هريسچي - شعرلر

  کور عربين سون نغمه سي 

  جيبلريميز پول اوچون دئييل، 

  اللريميز اوچوندو... 

  گؤر بير نه يي اونوتموشوق... 

  نيشان اوزوکلري نين تکرلري اوسته 

  اينسان سئوگي لري هارا گئدير، هارا؟    

آردي وار/ardı var >>>

يازار هـ.شهبازی شنبه 1387/09/23 ساعت 0:22 /لینک/(نقل با قيد منبع وبلاگ آزاد است)

 كيان خياو     

آردي وار/ardı var >>>

يازار هـ.شهبازی پنجشنبه 1387/09/21 ساعت 14:41 /لینک/(نقل با قيد منبع وبلاگ آزاد است)