Turan xanım Cavid
Güntay Gəncalp
Turan xanım Cavid
Hansısa bir səs, gizlin bir istək məni Hüseyn Cavidi oxumağa çağırmışdı sanki. Orta məktəbdə oxuduğum zaman Hüseyn Cavidin bir neçə lirik şeirini və özəlliklə “İblis” dram əsərindən İblisin monoloqlarını əzbərləmişdim. Bir neçə dəfə də Savalanın zirvəsində yüksək səslə, bağıraraq söyləmişdim bu monoloqları. Yayda məktəblər bitirdi və biz kəndə geri dönməli olurduq. Kənddə 3 ay qouyun otarırdım örüşlərdə. Bəzən qara-buludlar göyləri sarıb, küləkli, boranlı yağış yağdığında qoyunlar başlarını bir-birlərinin qarnının altına soxub duruşurdular. Göy gurultuları bəzən də qoyunları hörküdüb daha da bir-birinin içinə soxurdu. Qorxunc ildırımlar çaxırdı. Bu zaman mən böyük bir qayanın üstünə çıxıb “İblis”dən monoluqlar söyləyirdim.
Kiyan xiyav
Kiyan xiyav
....................................................................................♥ öldürdünüzmü, öldünüz
Humbaba deyildim
Ürəklər keşikçisiydim
Sevgilər gözətçisi.
Bılqamış, yoxsa enkido deyildiniz
Vur-tut vurğunlarıydınız
Nədənsiz bahadurlar.
Hankınızın əlindəsəHaçansa öldüm amma
Öldüm də unuduldum.
Davamını buradan oxuyun:http://dusharge.blogfa.com/post-198.aspx
hadi qaraçay
Hadi Qaraçay
Acunun doğumu boyu
Bəyləri sağında , solunda
Altunban evində otursun
Amıt soyunun aslanı.
Onlar orda qalsinlar
Torpağın doğumundan deyim
Atımın yaşından
Dayımın yaşıdından
Almanın Beyrək qoxusundan
Beyrəkin alma qoxusundan
Və udumun umuda çevrilməsindən. . .
Güntay Gəncalp
Güntay Gəncalp
Ərdəbildə muğam yarışması üzərinə
Ərdəbildə muğam yarışması keçmiş və böyük rəğbətlə qarşılanmışdır. Dəstgahlarda oxunan şeirlər Azərbaycan şairlərindən və ifa tərzləri isə Üzeyir Hacıbəyli ekoluna (məktəbinə) aid. Ərdəbildəki bu yarışmaya Güney Azərbaycanın dəyişik bölgələrindən muğam ifaçıları qatılmışdır. Ərdəbil Mərkəzli bu mədəni fenomon toplumsal zövqün hansı istiqamətdə gəlişməsi ilə bağlı ipucları verməkdədir. Ulusal kimliyimizin hər şeydən daha çox musiqimizdə barınmış olduğunu nəzərə alsaq, bu yarışmanın nə qədər önəmli olduğunu asanca düşünə bilərik. Ayrıca, hər hansı bir mədəni olqunun sosial gərəksinim (ehtiyac) olmadan ortaya çıxa bilməyəcəyini düşünsək, Ərdəbildəki musiqi yaraışmasının hansı ictimai istəkdən qaynaqlandığını təsəvvür etmək mümkün olacaqdır. Həm yarışmaçı ifaçıların, həm münsüflər heyyətinin, həm də tamaşıçıların böyük şövqlə bu mərasimə qatılmaları Güney Azərbaycanda özəlliklə muzikal zövq anlayışında sosial atmosferin hansı istiqamətdə gəlişməsi və dəyişməsinin göstərgəsidir. Millətolma yolundakı çalışmalarımızın təməlində mədəni planda böyük devinim (hərəkət) və irəliləyiş sağlamaq durmalıdır. Arxasında böyük uyqarlıq (mədəniyət) durmayan hər bir ictimai hərəkət öz məqsədinə içi boş şüarlarla çata bilməmişdir. Tarın, kamanın, ritmin və insan avazının yönləndirdiyi milli ruh, öz qurtuluş modeli haqqında dərin- dərin və həm də estetik düzeydə (səviyədə) planlar hazırlaya bilər. Ərdəbildə gerçəkləşən bu böyük hadisənin dəyəri heç də 2006-cı il Xordad qiyamından az deyildir. Bunun adına “olaysız oluşum” deyə bilərik. Bu mərasimin gerçəkləşməsində əməyi keçən hər kəsi, özəlliklə qazanan yarışmaçıları təbrik edirik.
18.07.08
Nasir Mırqati
Nasir Mırqati
Yad torpağım
1...
Acıdan dönəndə şəhərə sarı
hamınızın əlləriniz əllərimin içində isti
və yumuşaq
hamınızın ürəkləriniz hər kiçik olaya açılan
hamınızın dodaqlarınız bir kəlməyə qaçan
hər bir zad incə
hər bir zad mənalı
hər bir zad isti idi bağ yolunda.
və yerin yeddi qatından
qayıtmış oğlan
ayaqlar altına
gül səpə-səpə
gəzişirdi hər yanı
ziba kərbasi
Ziba kərbasi
Ölüm biboğlusuna bənzər
Adamın gözündən düşəndə
Da düşəndə
Düşər gözyaşı yaprax,
Adam, ki heeeeeeş adam deyil.
Ölüm qərə verni başmaxlarinan
Ağ dəsmalı əlində, Azər Xanım….
Qara ney çala-çala
Səfra günlər od üstündə çıqqaçıq, Azər Xanım…
behruz sədiqi
Behruz sədiqi
Tapa tapa gəlməmişlər
Susuzluqdan bağrı yanmış
Ucqar bir kənd
əlli suru
Gənc bir çoban
Yollandılar
Yaşıl otlaq
Arxasinca.
Tapmadılar...
Tapmadılar...
Tapa tapa gəlməmişlər.
Batdı suru...
Canavarlar
-qanlı varlar-
Yaşatdılar bu dastanı
Gücsüz itlər
Kor quzqunun
Dırnağında
Didildilər
Didim- didim
Tutək qaldı
Sagır yetim
Nədən deyim
Nədən deyim?!...
friedrix nit.se
Friedrix Nitşse
Yalnız
Hayqıran qarğalar
Darmadağın uçuşurlar şəhərə doğru:
nədənsə yağacaq qar
Yeri yurdu olanlara nə mutlu!
Donub bir yerdə qaldın,
çoxdandır gözlərin arxada!
Boşuna qaçırşan, ey çılğın,
qışdan uzaqlara!
